Jackpot prize ng Grand Lotto 6/55, aakyat sa P275 milyon!
MANILA, Philippines — Inaasahang papalo na sa mahigit P275 milyon ang jackpot prize ng Grand Lotto 6/55 na nakatakdang bolahin ng Philippine Charity Sweepstakes Office (PCSO) ngayong Lunes, Hunyo 27, 2022.
Sa paabiso ng PCSO, walang nakahula sa six-digit winning combination ng Grand Lotto 6/55 na 22-51-41-31-16-39 na binola nitong Sabado ng gabi, Hunyo 25, 2022.
Dahil dito, hindi naiuwi ang katumbas nitong premyo na tumataginting na P265,279,398.00.
Nabatid na wala rin namang nakahula sa six-digit winning combination ng Lotto 6/42 na 27-24-40-14-39-04 na binola rin nitong Sabado ng gabi, kaya’t hindi rin naiuwi ang jackpot prize nito na P10,518,111.40.
Sa jackpot estimates ng PCSO, aabot na sa mahigit P15 milyon ang jackpot prize ng Lotto 6/42 sa susunod na bola nito sa Hunyo 28, 2022, Martes.
Samantala, ang jackpot estimates naman ng PCSO sa Mega Lotto 6/45 na bobolahin rin sa Lunes, ay nasa P8.9 milyon na.
Patuloy pa rin namang hinihikayat ng PCSO ang publiko na tumaya na sa lotto upang magkaroon ng pagkakataon na magiging susunod na multi-milyonaryo, at makatulong pa sa kawanggawa.
- Latest
