‘Tirador’ ng motorsiklo, patay sa shootout
MANILA, Philippines — Isang hinihinalang ‘tirador’ ng motorsiklo ang nasawi makaraang makipagpalitan ng putok ng baril sa mga awtoridad kamakalawa sa Quezon City.
Walang nakuhang anumang pagkakakilanlan sa suspect.
Nabatid na aarestuhin ng mga elemento ng Novaliches Police Station 4 sa harap ng isang subdivision sa Barangay Nagkaisang Nayon alas- 3:20 ng madaling araw ang suspect makaraang tangayin ang isang Yamaha Mio Sporty motorcycle sa Sikatuna Village sa Barangay San Bartolome.
Sinasabing nahuli ng mga pulis na minamaneho na ng suspek ang motorsiklo pero sa halip na sumuko ay pinaulanan nito ng putok ng baril ang mga pulis kaya napilitan silang gumanti ng putok na nagresulta sa kamatayan ng suspect.
Nabawi mula sa suspek ang umanoy ninakaw na motorsiklo at isang .38 caliber handgun.
- Latest