Gamot sa COVID-19, bakuna sa Maynila, libre kahit hindi residente
MANILA, Philippines — Bukod sa mga gamot kontra COVID-19 at bakuna, iniaalok na rin ni Manila City Mayor Isko Moreno kahit sa mga hindi residente ng siyudad ang libreng ‘home service vaccination’ at ambulansya upang hindi na lalong mahirapan ang mga pasyente na nangangailangan ng agarang tulong-medikal.
“Hindi po kami namimili ng tutulungan. Let us all set aside our political differences for the common tao. You’ll never know kung sino mangangailangan,” ayon kay Moreno.
Upang makakuha ng libreng mga gamot kontra COVID-19, kailangan lamang na isumite sa Manila Health Department ang kanilang kumpletong pangalan, address at telepono; reseta; waiver na pirmado ng doktor at pasyente; at RT-PCR resulta na positibo sa COVID-19 ang pasyente.
“Anyone can avail of these medicines. Ang tangi naming hinihingi ni Vice Mayor Honey ay kusang disiplina, pagsunod sa minimum health protocols,” dagdag pa ni Moreno.
Ipinagmalaki pa ni Moreno na naabot na ng Maynila ang ‘population protection’ nang 140% na ng kanilang mamamayan ang nabakunahan. Sa kabila nito, hindi naman umano titigil ang Maynila sa pagtulong maging hindi nila residente at mailigtas laban sa COVID-19.
- Latest
