Bagong kaso ng COVID-19 sa Maynila, pababa na
MANILA, Philippines — Bumaba ng 23 porsyento ang naitatalang ‘seven-day average’ ng mga bagong kaso ng COVID-19 sa lungsod ng Maynila na posibleng nagpapakita na umano ng pagbaba ng trend nito, ayon sa OCTA Research Group.
“The 7-day average of new cases decreased in one week by 23% from 2,152 to 1,658. The reproduction number in Manila decreased to 1.50,” ayon sa tweet ni OCTA Fellow Dr. Guido David.
Sinabi pa ni David na maging ang reproduction number, o ang bilang ng mga taong maaaring mahawa ng isang pasyente ay bumaba rin sa 1.5 nitong Enero 18 mula sa dating 1.73 noong Enero 17.
“The downward trend in Manila is now clear,” ayon pa kay David.
Bukod naman aniya sa Maynila, nakikitaan na rin ang San Juan at Malabon ng negative one-week growth rates.
Upang mapanatili ang pagbaba ng mga kaso, pinayuhan niya ang mga residente ng Metro Manila na panatilihin ang pagiging mapagmatyag sa paligid kung lalabas at tumalima sa umiiral na health at safety protocols.
- Latest
