Higit P15 milyong shabu na itinago sa mga damit, nasamsam sa NAIA

MANILA, Philippines — Mahigit sa P15 milyong halaga ng shabu ang nasamsam ng mga awtoridad sa Ninoy Aquino International Airport (NAIA).

Nabatid na ang ilegal na droga ay itinago sa mga damit na galing Malaysia.

Ayon sa ulat ng Bureau of Customs (BOC), nasabat ang mahigit sa 2 kilo ng shabu sa 2 shipment na idineklarang cloth at clothing na lumabas sa bodega ng forwarding company.

Matapos inspeksiyunin, nakita ang droga na nagkakahalaga ng nasa P15.64 milyon sa mga plastic bag na may lamang pira-piraso ng tela at nakapagitna sa mga damit.

Noong nakaraang linggo, naharang naman ang pagpasok sa bansa ng P6.5 mil­yong halaga ng party drugs mula Germany.