‘House-to-house swab test’ sa mga residenteng naka-lockdown sa Makati
MANILA, Philippines — Umikot na ang ‘swab teams’ ng pamahalaang lungsod ng Makati na nagsagawa ng RT-PCR tests sa bawat bahay sa H. Santos Street sa Barangay Tejeros na unang isinailalim sa ‘granular lockdown’ sa siyudad.
Sinabi ni Atty. Don Camiña, tagapagsalita ng lungsod, na sa 234 residente na isinailalim sa test ay tatlo ang natuklasang positibo sa isinagawang ‘house-to-house swab testing’.
Dahil dito, umakyat sa 11 indibidwal na ang positibo sa COVID-19 sa naturang kalsada kapag isinama ang unang walong pasyente.
Magpapatuloy pa rin ang swab testing sa 300 pang residente ng naturang lugar lalo na ang mga na-ging ‘close contacts’ ng mga unang nagpositibo.
Samantala, tinupad naman ni Makati Mayor Abigail Binay ang pamimigay ng ‘food packs’ sa mga apektadong residente kasama na rin ang COVID-19 healthcare kits.
Sa kabila nito, kinailangan pa ring magpabili ng ilang residente ng iba nilang pangangailangan sa mga nagbabantay na tauhan ng barangay.
- Latest