Manila Water Business Areas, sarado pa rin hanggang September 30

MANILA, Philippines — Suspendido pa rin ang lahat ng anumang transaksyon sa lahat ng mga opisina ng Manila Water sa mga lugar na sineserbisyuhan nito sa Metro Manila at karatig lalawigan.

Ito ang inanunsyo ng kompanya matapos ilagay sa Alert Level 4 ang buong National Capital Region.

Base sa abiso ng Manila Water, extended hanggang September 30 ang pagsasara ng lahat ng opisina nito dahil sa patuloy na pagdami ng mga nahahawaan ng virus.

Kabilang sa mga apektadong transaksyon ng Manila Water ay ang pamamahagi ng water bill, pagbabayad at aplikasyon ng mga bagong kostumer.

Ngunit naglaan naman ng Hotlines  1627 ang kompanya para sa mga emergency service habang bukas din ang lahat ng kanilang mga social media operators.