SILIPIN: 2022 senatorial line-up nina Marcos-Duterte inilabas na
MANILA, Philippines — Inilabas na ng presidential at vice presidential aspirants na sina dating Sen. Bongbong Marcos at Davao City Mayor Sara Duterte-Carpio (BBM-Sara UniTeam) ang listahan ng mga kakandidato sa pagkasenador na kanilang susuportahan sa darating na halalang 2022.
"The list represents a mixture of seasoned and proven political personalities who have excelled in their respective endeavors," wika ni Vic Rodriguez, tagapagsalita ni Marcos, Huwebes.
Narito ang listahan ng mga senatorial aspirants sa ilalim ng kanilang ticket:
- SAGIP party-list Rep. Rodante Marcoleta
- abogadong si Larry Gadon
- Sen. Juan Miguel "Migz" Zubiri
- dating Public Works and Highways secretary Mark Villar
- Anitique Rep. Loren Legarda
- dating presidential spokesperson Harry Roque
- dating Sen. Jinggoy Estrada
- dating Defense secretary Gilbert Teodoro
- Sen. Sherwin Gatchalian
- dating Quezon City Mayor Herbert Bautista
Kilala si Marcoleta bilang isa sa mga pinaka-vocal para hindi ma-renew ang prangkisa ng network giant na ABS-CBN: "He was widely known for slashing the budget of the Commission on Human Rights to P1,000 in 2017," dagdag pa ng BBM-Sara UniTeam.
"Gadon, a law practitioner, had been helping the BBM team for years and has slowly climbed the senatorial survey just a few notches lower from the top 12."
Tinawag na law practitioner si Gadon kahit na sinuspindi siya sa law practice ng Korte Suprema matapos maglabas ng video na pinagmumumura ang isang journalist. Pinagpaliwanag din siya kung bakit hindi siya dapat i-disbar.
Zubiri parehong nasa Robredo, Marcos line-up
Kapansin-pansing kasama si Zubiri sa slate nina Marcos, kahit na ineendorso rin siya ng presidential aspirant na si Bise Presidente Leni Robredo — kilalang karibal ni Bongbong at kritiko ng Martial Law ng diktador at dating Pangulong Ferdinand Marcos.
Si Ferdinand Marcos ay tatay ni Bongbong.
Sina Zubiri, Villar at Gatchalian ay consistent sa pagiging nasa top 12 ng senatorial surveys.
Mataas din sa surveys si Estrada, kahit na patuloy pa niyang binubuno ang kontrobersiya sa P10 bilyong pork barrel scam. — may mga ulat mula kay Kristine Joy Patag
- Latest
