MANILA, Philippines — Muling ipaparada ng National University Lady Bulldogs si Sheena Toring sa pagharap nila sa mabangis na University of Santo Tomas Golden Tigresses sa UAAP Season 84 women’s volleyball tournament na ilalaro sa SM Mall of Asia Arena sa Pasay City, ngayong araw.
Nakatakdang magkalmutan ang Tigresses at Lady Bulldogs sa alas-12 ng tanghali, pagkatapos ng bakbakan ng Far Eastern University Lady Tamaraws at Adamson Lady Falcons sa alas-10 ng umaga.
Tumikada si Toring ng 13 points, kasama ang walong kills, tatlong service aces at dalawang blocks nang laplapin nila ang 25-11, 25-20, 25-13 panalo kontra University of the East Lady Warriors noong Huwebes at ilista ang 4-0 karta.
Samantala, maghaharap ang UE at DLSU sa alas-4 ng hapon habang mamayang alas-6 ng gabi ang banatan sa pagitan ng University of the Philippines Fighting Maroons at defending champions Ateneo Blue Eagles.