MANILA, Philippines — Saludo ang Philippine Sports Commission (PSC) sa anim na Pinoy differently-abled athletes na bahagi ng Team Philippines sa katatapos na Tokyo Paralympics.
Pormal nang nagsara ang Paralympics sa Japan kung saan bigo na makasungkit ng medalya ang mga Pinoy para athletes.
Gayunpaman, babaunin ng mga ito ang magandang karanasan upang ibahagi sa kanilang mga kapwa atleta at magsilbing inspirasyon.
Kaya naman nagpasalamat si PSC chairman William “Butch” Ramirez sa lahat ng Filipino Paralympians, coaches, officials at support staff na matapang na nagtungo sa Japan sa kabila ng pandemya.
“They were exceptional and dedicated Paralympians caught in a pandemic. Despite this, they carried the flag with pride and honor. They were playing against the best Paralympians in the world. To qualify and participate in the Paralympics is a great honor in itself,” ani Ramirez.
Matinding pagsubok ang pinagdaanan ng delegasyon.
Ilang araw bago umalis patungong Japan, ilang opisyal ang tinamaan ng coronavirus disease (COVID-19) dahilan para hindi ito makasama.