MANILA, Philippines — Kabuuang 64 qualifying spots para sa 2021 Olymics Games ang nakataya sa idaraos na pinakahuling qualification tournament sa Hunyo 18 hanggang 20 sa Paris, France.
Umaasa ang World Archery Philippines (WAP) na makakakuha sila ng isa hanggang tatlong Olympic berth.
“We are really positive about the qualifiers and we are working very hard to get a slot to the Tokyo Olympics,” ani national lady archer Pia Elizabeth Bidaure. “We want to make history of qualifying an archery team to the Olympics.”
Bukod kay Bidaure, ang iba pang naghahangad ng Olympic ticket ay sina Riley Silos, Jason Felicianon, Carson Hastie, Phoebe Nicole Amistoso at Monica Gabrielle Bidaure.
Ang ibang national archers ay nasa bubble training sa Dumaguete City habang nasa Los Angeles, California naman si Silos.
“Right now I’m training here with my coaches here in California. and I’m also sending videos to coach Clint (Sayo) and if we’ll see some errors, will just take it one thing at a time,” wika ni Silos.
Balak sana ng WAP na dalhin ang national archery team sa Chinese Taipei para sa isang training camp bago sumabak sa Olympic qualifying sa France.
Ngunit nadiskaril ito dahil sa paglobo ng kaso ng mga nagpopositibo sa coronavirus disease (COVID-19) sa nasabing bansa.
Si national taekwondo jin Kurt Barbosa ang pang-siyam na Pinoy Olympic qualifier sa Tokyo games.