Dahilan ni Parks kuwestiyunable?
MVP nagsalita na...
MANILA, Philippines — Kaliwa’t kanan ang katanungan sa idinahilan ni Talk ’N Text star forward Bobby Ray Parks Jr. sa pagliban nito sa PBA Season 46 na nakatakdang magsimula sa Abril.
Naglabas ng statement si Parks sa kanilang mga social media accounts kung saan nagdesisyong itong lumiban sa Season 46 ng liga upag pagtuunan ang “family problems.”
Gulat ang lahat sa naging desisyon ni Parks.
Ngunit ilang oras matapos ang post ni Parks, lumutang ang ilang larawan sa social media kung saan tila masaya itong nagsasanay ng surfing sa La Union.
Mismong si PLDT-Smart chairman Manny V. Pangilinan na ang naglabas ng pahayag nang malaman nito ang naging aksyon ni Parks.
“I don’t see any mother being cared for, and as far as I know, La Union is nowhere near California. Judge for yourself,” ani Pangilinan sa kanyang post na may kasamang larawan.
Kaya naman iba’t ibang kuwento na ang naglabasan sa social media upang malaman ang tunay na dahilan ni Parks.
Wala pang bagong post si Parks patungkol sa mga naglabasang post at larawan.
- Latest