LOS ANGELES, Philippines — Bagama’t nasibak si star guard Devin Booker sa 7:10 minuto ng third quarter ay nagawa pa rin ng Phoenix Suns na sunugin ang nagdedepensang Lakers, 114-104.
Humugot si Dario Šari? ng 10 sa kanyang 21 points sa fourth period at may 19 markers si Mikal Bridges para pamunuan ang Phoenix (23-11) na nakakuha ng 17 points kay Booker.
Pinamunuan ni LeBron James ang Los Angeles (24-12) sa kanyang 38 points habang may 17 markers si Dennis Schröder.
Sa Boston, tumipa si Kemba Walker ng 25 points para tulungan ang Celtics (18-17) sa 117-112 panalo laban sa Kawhi Leonard-less na Los Angeles Clippers (24-13).
Sa Milwaukee, nagtala si center Nikola Jokic ng 37 points, 11 assists at 10 rebounds para sa kanyang ika-siyam na triple-double at iginiya ang Demver Nuggets (20-15) sa 128-97 paggiba kay Giannis Antetokoumpo at sa Bucks (21-14).
Sa Miami, humugot si Trae Young ng 13 sa kanyang 18 points sa final canto para sa 94-80 tagumpay ng Atlanta Hawks (15-2) sa Heat (17-18).
Sa Washington, kumamada si Ja Morant na may 35 points at 10 assists at may tig-20 markers sina De’Anthony Melton at Dillon Brooks para sa 125-111 pagdomina ng Memphis Grizzlies (16-15) sa Wizards (13-20).
Sa San Antonio, umiskor si Trey Lyles ng season-high 18 points habang may 17 markers si Dejounte Murray para sa 119-83 pagwawagi ng Spurs (18-13) sa New York Knicks (18-18).