MANILA, Philippines — Naibulsa ng Butuan City ang korona sa third leg ng 3x3 President’s Cup na ginanap sa Inspire Sports Academy sa Calamba, Laguna.
Isang game-winning basket ang isinalpak ni Franky Johnson para buhatin ang Butuan City sa makapigil-hiningang 21-20 panalo laban sa Pasig City sa championship round.
Napasakamay ng Butuan City ang P100,000 premyo.
Sa side events, naghari si Janus Lozada sa Two-Point Shootout kung saan naipasok nito ang lahat ng 10 puntos. Muli namang naghari si David Carlos sa Slam Dunk Contest.
Aariba ang fourth leg ng torneo ngayong araw.