Mayweather tutulong sa naulila ni George
MANILA, Philippines — Kilalang trashtalker si dating world champion Floyd Mayweather Jr.
Maangas, mayabang. Ilan lamang ito sa mga kinaiinisan ng boxing fans sa undefeated American fighter.
Ngunit sa labas ng ring, may puso si Mayweather.
Makailang beses na itong nasilayang gumagawa ng charity works para sa mga nangangailangan.
Sa katunayan, sasagutin nito ang funeral services ni African-American George Floyd na napatay ni police officer Derek Chauvin kamakailan sa Minneapolis.
Kinasuhan na si Chauvin ng third-degree murder at second-degree manslaughter.
Inililihim ni Mayweather ang pagtulong nito kay Floyd.
Subalit isiniwalat ito ni Mayweather Promotions CEO Leonard Ellerbe kahapon sa ESPN.
“He’ll probably get mad at me for saying that, but yes, (Mayweather) is definitely paying for the funeral. Floyd has done these kind of things over the last 20 years,” ani Ellerbe.
Magugunitang tinulungan din ni Mayweather si dating boxer Genaro Hernandez noong 2011 nang mamatay ito sa sakit na cancer.
Si Hernandez ang nakalaban ni Mayweather noong 1998 nang masungkit ng American fighter ang kanyang kauna-unahang world title.
- Latest
