MANILA, Philippines — Winalis ng National University ang kampeonato sa men’s at women’s divisions ng UAAP Season 82 taekwondo tournament na ginanap sa Blue Eagle Gym sa Katipunan, Quezon City.
Nakumpleto ng Bulldogs ang matamis na 6-0 sweep kung saan tinalo ng tropa ang University of Santo Tomas, 6-1 at University of the Philippines, 7-0 sa kanilang huling dalawang asignatura.
Ito ang ikatlong sunod na titulo ng Bulldogs.
Itinanghal na Rookie-Most Valuable Player si featherweight Sturdy Jay Gilbuena.
Pumangalawa ang De La Salle University na may 5-1 marka habang pumangatlo ang UST tangan ang 4-2 baraha,
Sa women’s division, malinis ding tinapos ng Lady Bulldogs ang kampanya nito matapos iselyo ang sariling 6-0 sweep.
Pinaamo ng NU ang UST (5-2) at University of the Philippines (4-3) sa huling araw ng bakbakan para angkinin ang ikaapat na sunod na korona.
Pinangalanang Season MVP si bantamweight Baby Jessica Cabanal.