MANILA, Philippines — Pamumunuan nina MVP awardees Alyssa Valdez at Myla Pablo ang kani-kanil ang koponan sa 2019 Premier Volleyball League All-Star Event sa Pebrero 2 sa The Arena sa San Juan City.
Makakasama ni Valdez sa Team Y sina Paneng Mercado, Nicole Tiamzon, Michele Gumabao, Maddie Madayag at Katherine Bersola na maasahan sa opensa.
Nasa lineup din sina playmakers Deanna Wong at Chie Saet at sina Grace Bombita, Iari Yongco, Jessey De Leon, Melissa Gohing at Dani Ravena.
Gagabayan ang Team Y nina coaches Dong Dela Cruz at Oliver Almadro.
Lalarga naman sa Team X si Pablo kasama sina Dzi Gervacio, Jema Galanza, Kat Tolentino, Bea De Leon at Vanessa Gandler.
Mamanduhan naman nina many-time Best Setter awardee Jia Morado at Jem Ferrer ang setting chores.
Nasa Team X din sina Dimdim Pacres, Joy Dacoron, Dell Palomata, Cherry Rose Nunag, Toni Ponce at Cienne Cruz.
Sina Tai Bundit at Jerry Yee ang tatayong coaches sa Team X.
Magsisilbing tune-up na rin ito para sa mga manlalarong sasabak sa UAAP Season 81 na nakatakda ring magsimula sa susunod na buwan.