Adamson tangka ang ika-4 dikit sa UP

Laro Ngayon (FilOil Flying V Center)

1 p.m.  ADMU vs  UE (M)

4 p.m.  UP  vs  ADU  (M)

MANILA, Philippines — Target ng nangungunang  Adamson  ang pang-apat na sunod na panalo sa pag­harap nito laban sa University of the Philippines habang magtatagpo rin ang Ateneo at UE ngayon sa pagpapatuloy ng Season 81 UAAP men’s basketball tournament sa FilOil Flying V Arena sa San Juan City.

Ang Soaring Falcons na tumapos sa 9-5 card noong nakaraang season ay humarurot sa 3-0 simula at asam nilang mapalawig ito kontra sa Fighting Maroons upang manatili sa solo top spot sa kalagitnaan ng first round elimination.

“At least,  it’s a double-edged sword, it’s not purely a Jerrick (Ahanmisi) or a Papi (Sarr) or Sean (Ma­nganti) team. We want to establish something that we”re gonna win by sheer individual talent but we’re here because we’re gonna win, because of sheer determination and team work, offense and defense,” sabi ni Adamson coach Franz Pumaren.

Haharapin ng Soaring Falcons ang Fighting Maroons sa alas-4 ng hapon pagkatapos ng sagupaan ng nagdedepensang Blue Eagles at Red Warriors sa ala-1 ng hapon kung saan hangad ng tropa ni coach Tab Baldwin ang panalo para masungkit ang solo second spot.

Pinaalalahanan ni Pumaren ang kanyang man­lalaro na huwag magkampante sa tatlong sunod na panalo dahil mahaba pa ang torneo at marami pang puwedeng mangyari.

“Seize the moment but do not feel that we we’re so unbeatable or that we’re the top team. No, seize the moment like enjoy the moment. That’s why we’re here because we worked hard for it. Who would think that at this stage, we’ll be in this kind of position. But’s it’s still early to tell,” dagdag ni Pumaren.

Sa kabilang panig naman, hangad ni UP coach Bo Perasol na putulin na ang dalawang sunod na talo makaraang magwagi sa opening game sa UE, 87-58 noong Sept. 8.

Ang unang talo ng UP ay sa Ateneo, 87-79  noong Sept. 12 at sinundan ng 73-89 kabiguan  sa FEU noong Sept. 23.

Cagape)