CEBU, Philippines — Misamot ang kahinam ni kanhi Pinoy boxing champion Nonito ‘Filipino Flash’ Donaire Jr. sa umaabot niyang sangka ni Irish Carl Frampton sa Abril 21 didto sa Belfast, Ireland.
Kini kay ang maong sangka gihimo alang na sa bakanteng WBO interim featherweight nga nagpasabot ang modaog mamahimong mandatory challenger batok ni WBO regular champion Oscar Valdez sa Mexico.
Si Donaire nagkanayon nga mas mimubo ang iyang dalan paingon sa world title, apan sa dili pa huna-hunaon si Valdez, atimanon una niya si Frampton.
Si Donaire midaog na og world titles sa flyweight, bantamweight, junior featherweight ug featherweight.
Katapusan siyang mikupot og bakus duha ka tuig ang milabay sa wala pa siya mapilde ni Jessie Magdaleno sa mao gihapon nga tuig.
Si Donaire (38-4, 24KOs), mas taas og kasinatian itandi ni Frampton (24-1, 14KOs)