Style ni Marquez nais sundan ni Horn vs Pacquiao
Australian boxer Jeff Horn
BRISBANE, Australia--Humuhugot si Jeff Horn ng kanyang malakas na paniniwala na tatalunin niya si Manny Pacquiao mula kay Mexican boxing legend Juan Manuel Marquez.
Pinatulog ni Marquez si Pacquiao sa sixth round sa pamamagitan ng right hand sa kanilang ikaapat na pagtatapat noong 2012.
“The Marquez knockout has definitely been the main point,” wika ng Brisbane native sa media bago ang kanyang work out.
Pipilitin ni Horn na gayahin ang naturang panalo ni Marquez sa pagsagupa kay Pacquiao sa Hulyo 2.
“Marquez has fought Pacquiao brilliantly; (he’s) the best to have fought Pacquiao. So he’s someone whom we’ve looked at a lot,” paliwanag ni Horn.
Isang counter right ang pinakawalan ni Marquez sa pagsugod sa kanya ni Pacquiao sa huling segundo ng sixth round limang taon na ang nakakalipas sa Las Vegas, Nevada.
Plano ni Horn na gayahin ang ginawa ni Marquez kay Pacquiao.
“And to land the same punch that Marquez did in that fight which is a big overhand right, that’s definitely what we’re looking for,” wika pa ng Australian challenger.
Hindi na makapaghintay si Horn na makasagupa si Pacquiao sa Linggo.
“I’ve trained the hardest I’ve had for this fight and to finally get in the ring and show what I’ve done is all I want to do at this stage. I’ve finished all that hard work and I’m just ready to show that in the ring,” ani Horn. - Dino Maragay
- Latest
