MANILA, Philippines - Nagbigay ng suporta ang miyembro ng Tali Football Club junior team sa Kaya FC, kinatawan ng bansa sa kasalukuyang Asian Football Club (AFC) Championship kontra sa Hong Kong’s Kitchee SC sa Rizal Memorial football field. Bukod sa pagbibigay ng suporta, ang programa at disiplina ng Kaya FC ang nais na maisabuhay at matularan ng mga batang nasa pangangasiwa at kinakalinga ng LBC Express na pinamumunuan ni Santi Araneta.