MANILA, Philippines – Pakakawalan ang Condura Skyway Marathon 2016 Run For a Hero sa Pebrero 7.
Nasa ikalawang sunod na taon, ang pondong malilikom ng pakarera ay mapupunta sa Hero Foundation para sa kapakanan ng mga anak ng sundalong “killed in action” (KIA) o ng mga sundalong nagtamo ng kapansanan “in the line of duty.”
Sa mga nakaraang patakbo ng Condura ay tumulong ito para sa rehabilitasyon at proteksyon ng Tubbataha Reefs, whale sharks, dolphins at mga bakawan (mangroves).
Ang karerang ito ay inorganisa ng Runrio Inc. Ang registration ay maaaring gawin online sa conduramarathon.com at maaaring bayaran sa pamamagitan ng credit card o ng prepaid cards na mabibili sa piling ASICS stores.
Ang credit card registration ay hanggang Enero 2, 2016.
Maaaring mamili ang mga lalahok kung saan nila gustong ma-pick up ang kanilang race kits sa mga ASICS store mula Enero 18-23, 2016
Mabibili ang mga prepaid cards sa mga sumusunod na Asics store branches: Greenbelt 3 sa Makati City, Bonifacio High Street sa Taguig City, Trinoma Mall sa Quezon City; Centrio Mall sa Cagayan de Oro City; Ayala Fairveiw Terraces sa Quezon City, at Ayala Center sa Cebu City.
Ang entry fee ay P900 para sa 6K race, P1,000 para sa 10K, P1,700 para sa 21K at P2,000 para sa 42K full marathon.
Ang lahat ng runners na makapagtapos ay tatanggap ng finisher’s medal at ang mga finishers sa 42K at 21K ay makakakuha rin ng special finisher’s shirt.
Para sa kumpletong detalye, bumisita sa www.conduramarathon.com.