CHANGSHA, China – Tila nakahanap na ng kanyang katapat si Hamed Haddadi, ang pinakadominanteng sentro matapos si Chinese star Yao Ming.
At ito ay laban kay Gilas Pilipinas naturalized player Andray Blatche, dating naglaro sa NBA.
Kumolekta ang 6-foot-10 na si Blatche ng 18 points, 7 rebounds, 4 steals, 2 blocks at 1 assists, habang nagtala ang 7’2 na si Haddadi ng 10 markers, 7 boards, 1 steal at 1 block.
Na-foul out ang Iranian giant nang makasagupa si Calvin Abueva kasunod ang technical foul.
“It’s not a statement game. We just executed well, we attacked and got the win. I felt we prepared ourselves for this moment. We came out and did what we were supposed to do,” sabi ni Blatche.
Sinabi ni Gilas coach Tab Baldwin na nakahanap si Haddadi ng kanyang katapat sa Asian basketball.