Sa 80th PSL National Series Swimfest Soguilon lumunod ng 5 records
MANILA, Philippines – Limang bagong records ang sinira ni Kyla Soguilon sa 80th Philippine Swimming League (PSL) National Series-Vice Mayor Isko Moreno Top 16 Long Course Swimming Meet sa Rizal Memorial Swimming Pool sa Vito Cruz, Manila kahapon.
Lumangoy female Swimmer of the Year at mag-aaral ng Sun Yat Sen School sa Kalibo na si Soguilon sa girls’ 10-years old 100-meter free style at naorasan ng 1:08:83 at 1:19:47 sa 100m backstroke, 1:31:31 sa 100m breaststroke, 1:15:21 sa 100m butterfly at 2:45:73 sa 200m Individual Medley.
May mga bagong marka rin sina Stephen Guzman ng Diliman Preparatory School, Sean Terence Zamora ng UST at Marc Bryan Dula ng Weisenheimer Academy.
Si Guzman ay nakabura ng mga records sa boys 10-years old 100m freestyle (1:07:00), 100m backstroke (1:22:46) at 100m butterfly (1:16:06); si Zamora ay may marka sa boys 14-years 100m freestyle (57.06) at 50m butterfly (27.90) habang si Dula ay naorasan ng 1:33:53 sa boys 8-years old 100m backstroke.
“Malaki ang mga improvements ng mga swimmers na ito dahil na rin sa experience na nakuha nila sa paglahok sa mga international meets,” wika ni PSL president Susan Papa.
Ang iba pang swimmers na nanalo ng ginto ay sina Micaela Jasmine, Mojdeh, Martin Jacob Pupos, Aalia Jaire Espejo, Ferdinand Ian Trinidad, Marcus Faytaren, Chloe Fabic, Gregg Marasigan, Paula Cusing, Felice Alexis Reyes, Nigel Romey, Jesreel Francisco, Rizalino Cortez, Kara Colaste, Jerard Jacinto, Carmenrose Matabuena, Chelsea Pastolero, Gian Carlo Banas, Hanna Sales, Morie Pabalan, Rafael Lentejas III, Aubrey Tom, Finn Jason Lock, Jennuel De Leon at Lee Grant Cabral.
Ang iba pang nanalo ng medalya ay sina Carl Patrck Bormate, Paul Christian King Cusing, Angelica Mae Medrano, Isabel Estacio, Adrienne Macapagal, Aliana Bequillo, Timothy Bernal, Gabriel Reyes, Kyle Pua, Patricia Aguilar, Marga Estacio, Gianna Data, Sean Malachi Enero, Louie Cesdorio, Leichelle Buenaventura at Aubrey Ybañes.
- Latest
