DALAWANG taon na rin ang nakalilipas mula noong Marawi siege at libu-libo pa ring mamamayan nito ang hindi pa nakababalik sa kani-kanilang mga tahanan sa loob ng siyudad.
Dalawang taon na nga subalit hindi pa dama ng mga taga-Marawi ang sinasabi at pinangakong rehabilitation sa Islamic city.
Ayon sa military, may tinatayang 50 na mortar bombs na naiwan sa lugar pagkatapos nitong hinulog ng Air Force noong kasagsagan ng bakbakan sa pagitan ng ISIS-affiliated Maute terrorist group at ng mga government forces.
Marami ang namatay sa Marawi siege kabilang na ang mga sundalong namatay habang nasa duty sila.
Medyo mahaba na rin ang dalawang taon sa paghihintay na makabalik ang mga mamamayan ng Marawi sa kani-kanilang mga tahanan.
Sana ay maagapan ito ng ating pamahalaan at nang hindi na mahuhumaling na bumalik at sumama ang mga mamamayan sa mga Maute group.
Kung hindi, masasayang lang ang pakikipaglaban na pakawalan ang Marawi sa impluwensya ng mga grupo gaya ng Maute at ISIS.