TINIYAK ni President Duterte na may isang buong commission siyang bubuwagin effective bukas dahil nga sa patuloy na alegasyon ng corruption sa mga opisyales nito.
Halatang punumpuno na ang Presidente sa mga napapabalitang anomalya sa loob ng opisinang ito na hanggang ngayon ay wala pa ring pagbabago.
Hindi naman tahasang sinabi ng Presidente kung anong commission ang kanyang bubuwagin ngunit ayon sa mga close sa kanya ito ay ang Energy Regulatory Commission.
At wala namang ibang commission na paulit-ulit na sinasabi ng Presidente na bubuwagin niya kundi ang Energy Regulatory Commission.
Ayon sa aking sources ang galit ng Presidente sa mga commissioners ng ERC ay hindi niya maitatago at parati niya itong paksa sa mga meetings niya.
Ilang ulit nang sinabihan ang mga opisyales, ang mga commissioners nito na magbitiw na sila ngunit hindi nila sinunod ang Presidente.
Kaabang-abang ang mga susunod na mga kabanata nito.