MANILA, Philippines — Nagkaloob ang West Zone concessionaire Maynilad Water Services, Inc. (Maynilad) ng fire trailers sa iba’t ibang Local Government Units (LGUs) sa kanilang service area ngayong taon upang makatulong na mapabuti pa ang firefighting capabilities at mapaigting ang response efforts lalo na ngayong Fire Prevention Month.
Inisyal na nagbigay ang Maynilad ng limang units ng 1,000-liter capacity fire trailers, na tig-iisa sa Caloocan, Parañaque, Las Piñas, Navotas, at Muntinlupa City.
Ang fire trailers ay dinesenyo para sa matatao at overcrowded areas na may makipot na daan at kalsada na hindi kayang pasukin ng mga fire trucks.
Ang naturang mga fire trailers ay may 20-meter fire hose na may adjustable nozzle, solar lights, at five-horse power pump na maaaring maabot ng tubig hanggang 70 feet o hanggang 7 floor ng isang gusali. Magaan din ito kaya maaaring hawakan ng 3 hanggang 4 katao lamang.
“We had these fire trailers built specifically for densely populated areas that are difficult to reach via ordinary fire trucks and where fire can easily spread. Arming the LGUs with these fire trailers is a proactive step towards ensuring the well-being of residents and safeguarding against potential fire incidents,” sabi ni Maynilad Chief Operating Officer Randolph T. Estrellado.