MANILA, Philippines — Pinagkalooban ng financial assistance ni Quezon City Mayor Joy Belmonte ang 74 na pamilyang nasunugan sa Brgy. Roxas at Batasan Hills sa lungsod.
Kasama ni Mayor Belmonte ang mga opisyal ng Social Services Development Department at Konseho ng Barangay Roxas sa pamamahagi ng ayuda.
Sinasabing ang bawat benepisyaryong nasunugan na may-ari ng bahay ay nakatanggap ng P10,000, habang ang nangungupahan o renter ay tumanggap ng P5,000.
Ayon kay Belmonte, bukod sa pinansyal na ayuda, binigyan din ng food pack at material assistance ang mga biktima ng sunog mula sa barangay at lokal na pamahalaan.