MANILA, Philippines — Nangunguna sa survey na ginawa ng Istratehiya Inc. mula Marso 17 hanggang 20 sa congressional race sa Quezon City District 1 si Arjo Atayde na nakakuha ng 74.9% laban kay Rep. Peter Anthony “Onyx” Crisologo na nakakuha ng 25.1%, habang si incumbent Mayor Joy Belmonte ay lamang sa 73% laban kay Rep. Mike Defensor na may 26.3%.
Basehan ng survey ang kakayahang tumulong ng mga kandidato sa ibang tao, ang sipag sa pagtatrabaho, ang kapasidad na intindihin ang mga pinagdaraanan ng mahihirap, talino, katapanan, tibay ng loob, pananampalataya, ang hindi pagiging isang tradisyunal na politiko, ang kakayanang magbigay ng inspirasyon, at marami pang iba.
“Right now what the families of QCD1 needs is H.E.L.P., not black propaganda. Hindi po nakakatulong ang black prop. Ang kailangan po nga taga-Distrito Uno ay tulong, hindi tsismis,” ani Atayde.
Ayon kay Atayde, ang H.E.L.P. ang kumakatawan sa kanyang plataporma at mga programa para sa QCD1: Health, Education, Livelihood, at Peace and order.
Nang nag-file ng kandidatura si Atayde nuong October 2021, mayroon na siyang mga aid distribution programs bilang tugon sa COVID-19 pandemic, at dito niya naintindihan ang iba’t-ibang klase ng tulong na kailangan ng distrito.
Binigyan diin ni Atayde, na nakikipagtulungan siya sa national agencies at local government upang makapagbigay ng livelihood opportunities; ayusin ang problema sa public transportation; pagpapabuti ng health care at pagpapalawak educational assistance sa mga kabataan ng QCD1.