MANILA, Philippines — Apat miyembro ng ‘Akyat-bahay’ ang inaresto ng mga tauhan ng Manila Police District-Theft and Robbery Section matapos matukoy na responsable sa panloloob nang makunan ng video ng kapitbahay sa Paco, Maynila, kamakalawa.
Kinilala ni Police Lt. Ramel Lucero, hepe ng Theft and Robbery Section ng Manila Police District ang mga suspek na sina Jesus Paglaluan, 45; Edgar Lim, 44; Carmela Lim, 47 at Benjamin Ubaldo, 48.
Nag-ugat ang pag-aresto sa inihaing reklamo ng isang Elma Mendoza, 45, OFW, ng Paco, Maynila kaugnay sa pagtangay ng mga suspek ng kaniyang mga alahas at US dollars.
Nabatid na nagsagawa ng follow-up operations ang mga tauhan ng MPD at nadakip ang mga suspect.
Nabatid na alas-6:00 ng umaga nang umuwi ang biktima sa kaniyang bahay at nadiskubreng nawawala ang mga alahas at $500 . Nang makita ang video na nakunan ng kapitbahay ay agad na humingi ng tulong sa pulisya sa pulisya.
Dito na natukoy at pinagdadampot ang mga suspect.