MANILA, Philippines — Nakahanda na ang 11 HOPE quarantine facility ng Quezon City para sa malaking banta nang paglobo ng kaso ng Delta variant ng COVID-19 sa National Capital Region (NCR).
Sa abisong inilabas ng QC Epidemiology and Disease Surveillance Unit (CESU) , naka-alerto ang mga medical staff at frontliners ng bawat Hope facility.
Ayon kay Dr. Rolando Cruz, head ng CESU , kumpleto sa pasilidad ang bawat isolation facility na may sariling klinika, botika at supply room.
Anya bukod sa ekskusibong mga kuwarto para sa mga magpa-pamilyang magpo-positibo sa virus kasado na rin ang paglalagay ng kwarto na laan para sa miyembro ng LGBTQIA community.
Nitong nakalipas na araw , kinumpirma ng QC LGU ang isang returning OFW na nagpositibo sa Delta variant habang isang factory shop na naka-base sa lungsod ang sinusuri ngayon ang lahat ng mga manggagawa na na-exposed sa pasyenteng nagpositibo sa delta variant sa ibang lungsod.