NCR iprayoridad pa rin sa bakuna - MMDA
MANILA, Philippines — Kaalinsabay sa panawagang maglaan ng mas maraming bakuna sa mga lalawigang may mataas na kaso ng COVID-19, iginiit ng Meropolitan Manila Development Authority (MMDA) na dapat maging prayoridad ang Kamaynilaan.
Ayon kay MMDA chairman Benhur Abalos na sa Metro Manila pinakamadaling magkaroon ng hawahan ng Delta variant dahil ito ang sentro ng komersyo, negosyo, at pangunahing Port of Entry.
Magugunitang na sa labas na ng NCR naitatala ang mataas na kaso ng COVID, na siyang dahilan kaya nanawagan ang mga lokal na pamahalaan dito nang dagdag na mga bakuna.
Una nang binanggit ng mga eksperto na mas nakahahawa ang Delta variant, na unang na-detect sa India.
Kamakailan ay may nadiskubre pa umanong mas transmissible na Delta variant plus na na-detect sa tatlong states sa nasabing bansa na may halos 200 dosenang identified cases.
- Latest