MANILA, Philippines — Balik operasyon na uli sa darating na Lunes ang ilang tanggapan ng Government Service Insurance System (GSIS) matapos ang ilang buwang hindi pag-ooperate dahil sa COVID- 19.
Sa abiso ng GSIS, ang mga tanggapan nito sa Pasay City, Quezon City, Bulacan at Laguna ay bubuksan na uli simula Mayo 17 para magbigay ng serbisyo sa mga miyembro.
Ang mga serbisyo ng eCard, cashering at check releasing at issuance ng certicates ang ibibigay ng mga nabanggit na branches.
Ngunit limitado sa apat na oras, mula alas-8 ng umaga hanggang alas-2 ng hapon lamang ang magiging office hour ng naturang mga tanggapan.
Gayunman, ang mga kliyente na naninirahan malapit sa kanilang opisina ay seserbisyuhan kahit lampas na alas-2.
Ginawa ng GSIS ang pagbubukas ng tanggapan nang maisailalim sa GCQ ang Metro Manila at karatig lalawigan.
Niliwanag din ng GSIS na ang pagsasagawa ng Annual Pensioners Information Revalidation Interviews ay magiging online pa rin hanggang may pandemic.