MANILA, Philippines — Dahil sa bakasyon at panahon ng mga fiesta, todo-bantay ang gagawin ng Philippine National Police dito at sa iba pang uri ng mga pagdiriiwang.
Ito ang sinabi ni PNP chief, Gen. Guillermo Eleazar kung saan nagbaba na siya ng kautusan sa lahat ng police commander na 24/7 ang gawing pagmomonitor dahil responsibilidad ng mga ito ang kanilang na-sasakupan.
Ayon kay Eleazar, makikipag-ugnayan ang mga pulis sa Local Government Units at barangay dahil marami ang potential super spreader sa mga piyesta kung kaya mas mahigpit na pagbabantay ang kinakailangan.
“Alam naman natin na kapag piyesta, nariyan ang mga handaan, mga aktibidad sa simbahan at iba pang mass gatherings. Nakagawian na natin ito at bahagi ng tradisyon pero bawal pa rin po ito hangga’t narito ang banta ng COVID-19,” ani Eleazar.
Partikular na tinukoy ni Eleazar ang mga piyesta sa probinsiya na kadalasang dinarayo ng mga nanggaga-ling sa Metro Manila at karatig-lalawigan.
Ipatutupad din ng pulis ang curfew.
Dagdag pa ni Eleazar, mahigpit ang kanyang kautusan na walang sasaktan, parurusahan o hihiyain protocols violators. Bigyan ng face mask o face shield kung kinakailangan.