Mahigit 276K pamilya sa Quezon City, tumanggap na ng ayuda
MANILA, Philippines — Umaabot sa 276,389 pamilya o mahigit 865,000 indibiduwal sa lungsod Quezon ang nakatanggap na ng ayuda mula sa pamahalaan sa pamamagitan ng Department of Social Welfare and Development (DSWD).
Ang pondo ay nagpapakita ng 35% ng estimated target na 800,000 family beneficiaries para sa P2.48 billion budget na laan sa Quezon City.
“This is an achievement already given that it has just been a week since we started distribution and considering the number of people that we have to cover before the 15-day deadline set for all cities in Metro Manila,” pahayag ni QC Mayor Joy Belmonte.
Ayon kay Belmonte ginamit ng city government ang beneficiaries’ list ng DSWD Social Amelioration Program (SAP), Pantawid Pamilyang Pilipino Program (4Ps), at ilang nasa waitlisted beneficiaries ng SAP na nasa low-income bracket at nasa vulnerable sectors.
Sa tulong ng mga barangay maayos na naipamahagi ang ayuda nang sumusunod sa basic health protocols tulad ng social distancing.
Samantala, ang lokal na pamahalaan naman ay patuloy ding magbibigay ng sariling ayuda sa mga constituents lalo na sa panahon na marami ang nawalan ng trabaho ngayong pandemic.
- Latest