Pagbabakuna sa mga frontliners sa Navotas, tapos na
MANILA, Philippines — Nakumpleto na ng Navotas City ang pagbabakuna sa kanilang priority A1 frontliners.
Ayon kay Navotas City Mayor Toby Tiangco, nasa 1,297 residente at hindi residenteng frontliners na nakarehistro sa COVID-19 vaccination program ng lungsod ang nakatanggap ng kanilang shots. Sa bilang na ito, 178 ang nabigyan na ng pangalawang dose.
Ipagpapatuloy na rin ng Navotas ang pagbabakuna sa mga senior citizen kasunod sa naging pasya ng Food and Drug Authority (FDA) na payagan na sila sa Sinovac Biotech’s CoronaVac vaccine.
“Amidst the continuous increase in COVID-19 infections and the delay in the delivery of other vaccines, we welcome the decision of the FDA to allow seniors to have the CoronaVac jab,” ani Tiangco.
Hanggang kahapon nasa 892 seniors at 1,686 na may comorbidity ang nabakunahan sa Navotas.
- Latest