Mga saksi sa ‘misencounter’ dumanas ng trauma
MANILA, Philippines — Matinding trauma ang idinulot ng bakbakan sa pagitan ng PDEA at PNP sa mga saksi na nakulong sa loob ng fastfood gayundin sa mga commuters at vendors sa lugar ng barilan.
Sa video na na-post sa facebook, isang buntis ang halos himatayin dahil sa takot na ikinabahala din ng kanyang mga kasama sa comfort room ng fastfood habang sinisita ng mga ahente ng SWAT.
Hindi rin naitago ng mga kostumer ang kanilang takot nang magkaputukan habang kumakain.
Wala silang nagawa kundi dumapa at magdasal. Tanging malalakas ng putok ng baril ang kanilang naririnig.
“Sa likod pa lang namin may pulis na, pinadapa kaming lahat baka may matamaan ng baril. Natakot kasi siyempre baril ‘yan,” pagsasalaysay ng isang nakasaksi.
Tumaas pa ang tensyon nang makitaan ng baril ang isang babae na nagpakilalang tauhan ng PDEA.
- Latest