MANILA, Philippines — Isang babaeng pulis sa lungsod ng Malabon ang inaresto makaraang magpa-putok ng kanyang baril sa kasagsagan ng pagsalubong sa Bagong Taon.
Ayon kay PNP spokesperson PBGen. Ildebrandi Usana, may isang concerned citizen ang nagsumbong sa pulisya tungkol sa pagpapaputok ng baril ni Police Staff Master Sergeant Karen Borromeo.
Matapos matanggap ang impormasyon, dinakip ng kanyang mga kabaro si Borromeo at isinuko ang service firearm.
Sinabi ni Usana sa lumabas na report na nakainom si Borromeo habang sinasalubong ang pagpasok ng Bagong Taon. Nahaharap din ito sa dismissal proceedings.
Isa ring insidente na tinamaan ng stray bullet sa Dagupan ang naitala. Ang dalawang insidente ay maituturing na isolated case lamang.
Gayunman, sinabi ni Usana na nanatiling payapa sa pangkalahatan ang pagdiriwang ng Bagong Taon.
Magugunitang sa huling press confe-rence ni PNP Chief, Gen. Debold Sinas para sa taong 2020 noong Disyembre 21 ay sinabing wala nang muzzle taping alinsunod sa kautusan ni Pangulong Rodrigo Duterte.
Ipinaliwanag na-man ni Director for Operations, Maj. Gen. Alfred Corpus na ang nakalipas na New Year celebration ang ikatlong taon na hindi nagbubusal ng mga service firearm dahil alam ng mga pulis ang kanilang tungkulin na gagamitin lamang ang kanilang sandata sa tawag ng trabaho.