Kapasidad sa religious gatherings sa GCQ, itinaas na sa 30%
Rekomendasyon ng mm mayors aprub sa IATF
MANILA, Philippines — Itinaas na ng Inter-Agency Task Force (IATF) on the Management of the Emerging Infectious Diseases sa 30% ang kapasidad ng maaaring pumasok sa mga simbahan at mosque sa ilalim ng ge-neral community qua-rantine.
Ayon kay Presidential Spokesperson Harry Roque, ang pagpayag ng IATF ay base na rin sa naging rekomendasyon ng mga mayors sa Metro Manila.
Una rito, 10% lamang ng capacity sa mga religious gatherings ang pinapayagan sa mga lugar na nasa ilalim ng GCQ.
Ayon pa kay Roque, nakita naman na sumusunod ang mga Filipino sa utos ni Pangulong Rodrigo Duterte na magsuot ng face mask kaya bumababa ang bilang ng may COVID-19.
Pumayag na rin naman aniya ang mga Metro Mayors na paikliin ang oras ng curfew para na rin sa mga magsisimbang gabi.
“Pero at the same time eh talaga naman pong nandiyan na rin iyong katotohanan na ang mga Metro Manila Mayors po ay nag-agree na rin na ang curfew pagdating ng a-uno ng Disyembre ay gagawing 12 to 3 para tayo ho’y makapagsimbang gabi,” paliwanag ni Roque.
- Latest