MANILA, Philippines — Inihayag kahapon ni San Juan City Mayor Francis Zamora ang pag-aalis na sa liquor ban sa lungsod.
Pero nilinaw ng Alkalde na mahigpit pa ring ipinagbabawal ang pag-iinuman sa mga pampublikong lugar, gayundin ang mga social gatherings sa lungsod.
Pinaalalahanan din niya ang mga residente na maaari lamang silang uminom ng nakalalasing na inumin sa loob ng kanilang tahanan ngunit dapat na may mahigpit pa ring pagsunod sa phy-sical distancing protocol.
“Lifted na po ang liquor ban sa San Juan ngunit ang mga lugar na puwede uminom ay sa loob ng inyong mga tahanan at sa mga restaurants lamang. Bawal po sa mga kalye at pampublikong lugar,” pahayag pa niya.
Inihayag din ni Ma-yor Zamora na simula nitong Setyembre 2 ay ibinalik na ang ipinatutupad na city-wide curfew hours sa lungsod ng mula alas-10:00 ng gabi hanggang alas-5:00 ng madaling araw.
Pinapayagan na rin namang mag-operate ang mga review centers, gyms, fitness centers, sports facilities, at drive-in cinemas sa ilalim ng general community qua-rantine (GCQ) ngunit li-mitado lamang sa 30% ng kanilang employees’ capacity ang pinapayagang pumasok.