PLM 2-linggong quarantine
MANILA, Philippines — Isinailalim ni Manila City Mayor Isko Moreno sa 14-araw na quarantine ang buong Pamantasan ng Lungsod ng Maynila (PLM) makaraan ang dumaraming empleyado nila na tinatamaan ng COVID-19.
Ito ay makaraang iulat ni PLM President Emmanuel Leyco ang apat na kumpirmadong kaso ng COVID-19 sa kanilang mga tauhan kung saan dalawa ang nakarekober habang isa na ang nasawi. May tatlo ring empleyado ang probable at isa ang suspected na nagtataglay ng virus.
Pansamantalang ipatutupad ang ‘work-from-home scheme’ sa mga tauhan ng paaralan mula Agosto 3 hanggang Agosto 17 kung saan magsasagawa ng ‘decontamination’ at ‘disinfection’ sa unibersidad.
Tanging mga empleyado na hindi kayang iuwi ang kanilang trabaho tulad ng mga IT experts, security staff at mga sangkot sa disinfection ang tanging mga papayagan sa loob ng campus. Lahat naman ng transaksyon sa pamantasan ay gagawin online sa naturang panahon
Sinabi naman ni Moreno na wala pa namang naitatala na ‘community transmission’ sa loob ng pamantasan at maaaring nakuha ng mga empleyado ang virus sa ibang lugar.
- Latest