P209 milyong supplemental budget laan ng Quezon City sa new normal college learning
QUEZON CITY, Philippines — Inaprubahan ng Quezon City Board of Regents ang paglalaan ng P209 milyong budget para sa learning conti nuity plan para sa school year 2020-2021 ng mga mag- aaral sa QC University College na magsisimula ang pasukan sa Setyembre ngayong taon.
Ayon kay QC Mayor Joy Belmonte na siya ring Chairperson ng University’s board of Regents, bukod sa paglalaan ng modules at tablets para sa public-school students ay kailangan ding bigyan ng kaukulang ayuda ang mga college students ng QC para sa new normal learning.
Idinagdag pa nito na ang pamantasan ay naghahanda na para sa transition ng flexible learning kasama na ang offline, online at blended learning.
Isa anya sa pangunahing programa hinggil dito ay ang QCU Laptop Loan Program upang ang mga mag-aaral at mga guro na may limitadong access sa learning devices ay gagawing beneficiaries ng mga laptop na gagamitin nila habang nasa unibersidad.
kaugnay nito, sinabi ni QCU Officer-in-charge Dr. Victor Endriga na patuloy silang magpapatupad ng offline classes para sa technical at practical learning pero babawasan ang class size sa 15 hanggang 20 mag-aaral lamang para matiyak ang safety protocols sa lugar.
Anya ang pondo ay laan sa pagbili ng dagdag na medical supplies at equipment, learning management systems para sa virtual learning, internet connectivity para sa mga mag- aaral at guro, computer software para sa lahat ng degree programs at online reference materials, development ng academic management systems para sa online processing ng enrollment at iba pa.
- Latest