MANILA, Philippines — Magpapatupad ngayong araw (Hulyo 7) ng rollback sa presyo ng gasolina at kerosene ang ilang kompanya ng langis.
Sa anunsiyo ng Shell, epektibo alas-6:00 ng umaga ngayong Martes magbabawas sila ng 65 sentimos sa presyo ng kada litro ng gasolina, habang P0.40 naman sa kerosene.
Gayundin ang tapyas sa presyo ng mga kompanyang Petro Gazz, Clean Fuel at PTT Philippines na P0.65 sa kanilang gasolina at kerosene alas- 6:00 din ng umaga ng Hulyo 7.
Hindi pa naglalabas ng abiso ang iba pang kompanya na inaasahang susunod na rin sa pagbaba ng presyo.
Samantalang wala namang paggalaw sa presyo ng diesel.
Ito ang unang rollback sa presyo ng produktong petrolyo matapos ang siyam na magkakasunod na linggong oil price hike.