5 timbog sa buy-bust
MANILA, Philippines — Mahigit sa P.6 milyong halaga ng shabu ang nasamsam sa isinagawang buy-bust operation sa Parañaque City kung saan lima katao ang nadakip, kahapon ng madaling araw.
Kinilala ni Southern Police District (SPD) director, P/Brig. Gen. Emmanuel Peralta ang mga nadaki pna suspek na sina Ali Saliling, alyas Apple, 30; Baikan Mokamad, 47, negosyante; Apolinio Plata, Jr. 39; Melvin Juarez, 25,at Francis Darwin Matugina, 33.
Sumailalim muna sa isang linggong surveillance si alyas Apple bago ikinasa ang operasyon alas- 12:50 ng madaling araw kahapon sa mismong bahay nito.
Nakabili ng halagang P1,000 ang poseur-buyer dahilan upang arestuhin si Apple na nagkataong ang iba pang suspek ay naroon din.
Nasamsam ang 7 sachets ng shabu na may kabuuang timbang na 100 gramo, marked money na P1,000., isang kalibre 38 revolver na may 5 bala.
Ayon sa ulat, ang apat ay mga trusted costumer at consignees sa iligal na droga ni Apple.
- Latest
