Nag-inuman sa bar sa Makati
MANILA, Philippines — Labing-limang Africans ang inaresto habang nagkakasiyahan sa isang bar sa Makati City, kamakalawa ng hapon na malinaw na paglabag sa mga umiiral na community quarantine protocols.
Sa ulat ng pulisya una silang nakatanggap ng reklamo buhat sa ilang concerned citizens sa lugar kaya pinuntahan ang D’ Evolution Masters Sports Bar sa Mariano St., Poblacion, Makati City dahil sa social gatherings na nagaganap doon dakong alas-5:30 ng hapon kamakalawa.
Dito naabutan nila ang mga suspek sa loob ng bar, habang mayroon din sa labas ng bar.
Bukod sa nakumpiskang mga bote ng beer at iba pang gamit, nakuhanan din ng isang sachet ng iligal na droga ang grupo na nasa 1 gramo na may halagang P6,800.
Nahaharap sa reklamong paglabag sa Makati Executive Order no. 11 series of 2020 (curfew), paglabag sa Article 151 ng Revised Penal Code (Resistance and Disobedience to a Person with Authority), of RA 11332 (State of Public Health Emergency) at paglabag sa Section 11 of Republic Act 9165 (Comprehensive Dangerous Drugs Act of 2020) ang mga suspek.