MANILA, Philippines — Dalawang hininalang tulak ng bawal na gamot ang nasakote ng mga tauhan ng Manila Police District sa magkakahiwalay na buy-bust operation sa Tondo, Manila kamakalawa ng gabi.
Nakilala ang mga suspek na sina Cairo Lemmor Reyes, 20, estudyante, ng Coral St., Tondo at Clarence Yadao, 41, ng Balic-Balic, Sampaloc, Manila.
Sa pagkakadakip kay Reyes sa may panulukan ng Coral at Prudencio St. ay nakatakas naman ang kapatid niyang si Khayla Reyes.
Nakumpiska sa suspek ang 30 gramo ng shabu na may street value a P225,000.00. at nabawi rin ang ginamit na buy-bust money na P500.
Naaresto naman si Yadao sa panulukan ng T. Mapua at Antiplo Sts. Sa Tondo.
Nabatid na nakabili ang poseur-buyer kay Yadao ng dalawang medium sachet ng shabu na tumitimbang ng 10 gramo o street value na P70,000.00.
Bukod sa shabu, narekober din sa suspek ang boodle money na may nakapatong na isang genuine P500 bill na ginamit sa buy-bust.