MANILA, Philippines — Iniulat kahapon ng Pasay City Government na may isa nang coronavirus disease 2019 (COVID-19) confirmed case ang namatay sa Pasay City General Hospital (PCGH).
Gayunman, ang 52-anyos na babaeng pasyente sa nasabing ospital ay noong Marso 17, 2020 pa binawian ng buhay sa pneumonia habang nabibilang pa siya sa person under investigation (PUI).
Nabatid na ang lab test result ng 52-anyos na namatay ay kamakalawa (Marso 29) lamang lumabas kaya hindi agad ito nakumpirma sa mga nakalipas na araw.
Sa pinakahuling tala alas 9:00 ng gabi ng Marso 29, 2020 , nasa 15 ang positibo sa COVID-19, isa ang nakarekober, 148 ang person under monitoring at isa ang patay.