Operasyon ng Angkas, huhusgahan pagkatapos ng Pasko
MANILA, Philippines — Huhusgahan na ng Land Transportation Franchising and Regulatory Board (LTFRB) ang kompanyang Angkas sa December 26 hinggil sa kung maaari pang magpatuloy ang operasyon ng motorcycle hailing company.
Ayon sa LTFRB, bagama’t marami ang nananawagan sa ahensya na bigyan ng pagkakataon ang Angkas na maipagpatuloy ang operasyon, ilalabas nila ang desisyon hinggil dito makaraan ang Pasko.
Sinasabing sa December 26, matatapos na ang palugit na naibigay ng LTFRB sa anim na buwang pilot test para makapasa sa safety metrics na naitakda ng technical working group na nagsagawa ng pagsubaybay sa operasyon ng Angkas.
Ang pahayag ay ginawa ng LTFRB upang bigyang impormasyon at paalala ang Angkas driver hinggil sa sobrang maliit na tsansa na maibibigay ng Kongreso tungkol sa pagpasa ng batas na pumapayag na gawing pampasaherong sasakyan ang motorbikes.
Sinasabing maraming bilang na ng mga commuters ang dumedepende na sa pagsakay sa Angkas riders lalu na kapag papasok sa trabaho dahil mas mabilis ito at walang epektong dulot mula sa nararanasang matinding traffic sa mga lansangan sa Metro Manila.
- Latest