Divisoria vendors, nagrali sa City hall
MANILA, Philippines — Sumugod sa harap ng Manila City Hall ang grupo ng Divisoria Vendors’ Association (DVA) upang kondenahinang isinagawang clearing operations sa Ylaya kamakailan.
Ayon sa mga vendors, ipaglalaban nila ang kanilang kabuhayan at karapatan matapos silang pagbawalang magtinda sa nasabing lugar.
Bunsod naman ito ng surprise inspection ni Manila Mayor Isko Moreno sa Ylaya Binondo side kung saan nadismaya ang alkalde nang madatnang napakarumi.
Ayon sa mga vendor, marami sa kanila ang nawalan ng hanap-buhay na pinagkukunan ng pangsuporta sa kanilang pamilya simula nang magsagawa ng clearing operation noong buwan ng Hunyo.
Ilan sa mga vendor ay bitbit pa ang kanilang mga voters ID na patunay na sila ay taga- Maynila.
Nauna na ring hiniling ng grupo na magkaroon ng dayalogo kay Moreno ngunit sinabi ng alkalde na nabigyan na niya nang pagkakataong makapagtinda ang mga vendor sa Ylaya ngunit sinayang lamang nila ito.
Binigyan diin naman ni Moreno na ipinatutupad lamang nila ang tama at pamamahala.
- Latest