Ginang minartilyo sa ulo ng live-in partner
MANILA, Philippines – Labas ang utak ng isang misis matapos na martilyuhin ng kanyang live-in partner sa loob ng kanilang bahay kahapon ng madaling araw sa Tondo, Maynila.
Idineklarang dead-on-arrival sa Tondo Medical Center si Concepcion ‘Connie’ Romero, 39, nakatalaga sa Ordinance Violation Receipt (OVR) ng Manila City Hall at residente ng A.Mirasol St., Balut Tondo. Mabilis namang tumakas ang suspek na si Roderick Capulong, 37.
Nabatid na ang pagmamartilyo sa biktima ay nasaksihan ng 16- anyos na anak ng nasawi.
Ayon kay P/Col. Carlo Magno Manuel ng Manila Police District, naganap ang insidente dakong alas-2:40 ng madaling araw. Dumating sa bahay ang suspek, at nagawa pa nitong halikan ang dalawa nitong anak sa biktima.
Nagkaroon umano ng mainitang pagtatalo ang mag-live in, hanggang sa pagpapaluin ng suspect ng martilyo sa ulo ang biktima.
Samantala, naglabas naman ng manhunt operation si Manila Mayor Isko Moreno laban kay Capulong kasabay ng pagpapalabas ng reward na P100,000 sa sinumang makapagbibigay ng impormasyon sa kinaroroonan nito.
- Latest